ਧਾਰਮਿਕ ਲੋਕ ਸਭ ਤੋਂ ਵੱਧ ਖ਼ਤਰਨਾਕ ਹੁੰਦੇ ਨੇ : ਜਾਨ ਅਬ੍ਰਾਹਮ

ਨਵੀਂ ਦਿੱਲੀ: ਬਾਲੀਵੁੱਡ ਅਦਾਕਾਰ ਜਾਨ ਅਬ੍ਰਾਹਮ ਦਾ ਕਹਿਣਾ ਹੈ ਕਿ ਧਾਰਮਕ ਲੋਕ ਸਭ ਤੋਂ ਜ਼ਿਆਦਾ ਖਤਰਨਾਕ ਹੁੰਦੇ ਹਨ। 4 ਜਨਵਰੀ ਨੂੰ ਜਾਨ ਅਬ੍ਰਾਹਮ ਮੁੰਬਈ ਵਿਚ ਇਕ ਖ਼ਾਸ ਸਮਾਰੋਹ ਵਿਚ ਸ਼ਾਮਲ ਹੋਏ ਸੀ। ਇਸ ਦੌਰਾਨ ਉਹਨਾਂ ਨੇ ਮੀਡੀਆ ਨਾਲ ਕਈ ਤਰ੍ਹਾਂ ਦੀਆਂ ਗੱਲਾਂ ਸ਼ੇਅਰ ਕੀਤੀਆਂ।

ਇਸ ਦੌਰਾਨ ਜਾਨ ਨੇ ਅਪਣੇ ਮਾਤਾ-ਪਿਤਾ ਬਾਰੇ ਕਈ ਗੱਲ਼ਾਂ ਸਾਂਝੀਆਂ ਕੀਤੀਆਂ। ਮੀਡੀਆ ਨਾਲ ਗੱਲ਼ਬਾਤ ਦੌਰਾਨ ਜਾਨ ਅਬ੍ਰਾਹਮ ਨੇ ਕਿਹਾ ਕਿ ‘ਮੇਰੇ ਪਿਤਾ ਕਹਿੰਦੇ ਹਨ ਕਿ ਚੰਗਾ ਇਨਸਾਨ ਬਣਨ ਲਈ ਕਿਸੇ ਵੀ ਧਾਰਮਕ ਸਥਾਨ ‘ਤੇ ਜਾਣ ਦੀ ਲੋੜ ਨਹੀਂ ਹੈ’।

ਜਾਨ ਨੇ ਕਿਹਾ ‘ਮੈਂ ਕੋਈ ਵਿਵਾਦ ਨਹੀਂ ਕਰਨਾ ਚਾਹੁੰਦਾ ਪਰ ਧਾਰਮਿਕ ਲੋਕ ਜ਼ਿਆਦਾ ਖਤਰਨਾਕ ਹੁੰਦੇ ਹਨ। ਇਸ ਤੋਂ ਚੰਗਾ ਹੈ ਕਿ ਰਿਲੀਜ਼ਨ ਦੇ ਚੱਕਰ ਤੋਂ ਦੂਰ ਰਹਿਣ’।ਜਾਨ ਨੇ ਕਿਹਾ ਕਿ ਉਹਨਾਂ ਨੂੰ ਉਹਨਾਂ ਦੇ ਮਾਤਾ-ਪਿਤਾ ਨੇ ਇਹੀ ਸਿਖਾਇਆ ਹੈ ਕਿ ਜੇਕਰ ਤੁਹਾਡੀ ਜੇਬ ਵਿਚ 100 ਰੁਪਏ ਵੀ ਹੋਣ ਤਾਂ ਵੀਂ ਸੁਸਾਇਟੀ ਲਈ ਉਹਨਾਂ ਪੈਸਿਆਂ ਨਾਲ ਕੁਝ ਨਾ ਕੁਝ ਜਰੂਰ ਕਰੋ।

ਜ਼ਿਕਰਯੋਗ ਹੈ ਕਿ ਜਾਨ ਮੁੰਬਈ ਵਿਚ ਬਲਾਇੰਡ ਪੀਪਲਜ਼ ਦੇ ਇਕ ਸਮਾਰੋਹ ਵਿਚ ਪਹੁੰਚੇ ਸਨ। ਜਾਨ ‘ਨੈਸ਼ਨਲ ਐਸੋਸੀਏਸ਼ਨ ਫਾਰ ਬਲਾਇੰਡ ਪੀਪਲਜ਼’ ਦੇ ਬ੍ਰਾਂਡ ਅੰਬੈਸਡਰ ਹਨ, ਜਿਸ ਕਾਰਨ ਉਹ ਇੱਥੇ ਆਏ ਸਨ। ਉਹਨਾਂ ਕਿਹਾ ਕਿ ਉਹਨਾਂ ਨੂੰ ਇੱਥੇ ਆ ਕੇ ਬਹੁਤ ਚੰਗਾ ਲੱਗਿਆ।

Leave a Reply

Your email address will not be published. Required fields are marked *