ਬੱਚਿਆਂ ਨੂੰ ਬਹੁਤ ਪਸੰਦ ਆਵੇਗੀ ਮੈਕਰੋਨੀ, ਜਾਣੋ ਬਣਾਉਣ ਦੀ ਵਿਧੀ

ਮੈਕਰੋਨੀ ਖਾਣ ‘ਚ ਬੱਚਿਆਂ ਤੋਂ ਲੈ ਕੇ ਵੱਡਿਆਂ ਤੱਕ ਸਭ ਨੂੰ ਸੁਆਦ ਲੱਗਦੀ ਹੈ। ਮੈਕਰੋਨੀ ਸਾਡੇ ਸਰੀਰ ਲਈ ਕਾਫੀ ਲਾਹੇਵੰਦ ਵੀ ਮੰਨੀ ਜਾਂਦੀ ਹੈ। ਅੱਜ ਅਸੀਂ ਤੁਹਾਨੂੰ ਮਸਾਲੇਦਾਰ ਮੈਕਰੋਨੀ ਦੀ ਰੈਸਿਪੀ ਦੱਸਣ ਜਾ ਰਹੇ ਹਾਂ। ਆਓ ਜਾਣਦੇ ਹਾਂ ਇਸ ਨੂੰ ਬਣਾਉਣ ਦਾ ਤਰੀਕਾ:
ਵਰਤੋਂ ਹੋਣ ਵਾਲੀ ਸਮੱਗਰੀ
ਲੋੜ ਅਨੁਸਾਰ ਪਾਣੀ
ਨਮਕ- 2 ਚਮਚੇ
ਮੈਕਰੋਨੀ- 2 ਕੱਪ
ਤੇਲ- 1 ਚਮਚਾ
ਬਟਰ- 50 ਗ੍ਰਾਮ
ਜੀਰਾ- 1 ਚਮਚਾ
ਪਿਆਜ਼- 200 ਗ੍ਰਾਮ
ਲਸਣ- 1 ਚਮਚਾ
ਅਦਰਕ- 1 ਚਮਚਾ
ਹਰੀ ਮਿਰਚ- 1 ਚਮਚਾ
ਟਮਾਟਰ- 150 ਗ੍ਰਾਮ
ਹਲਦੀ- 1 ਚਮਚਾ
ਲਾਲ ਮਿਰਚ- 1/2 ਚਮਚਾ
ਲਾਲ ਮਿਰਚ ਪਾਊਡਰ- 1/2 ਚਮਚਾ
ਮਟਰ- 60 ਗ੍ਰਾਮ
ਸ਼ਿਮਲਾ ਮਿਰਚ- 60 ਗ੍ਰਾਮ
ਪਾਣੀ- 100 ਮਿ.ਲੀ.
ਸੁਆਦ ਅਨੁਸਾਰ ਲੂਣ
ਟਮਾਟਰ ਸੌਸ- 2 ਚਮਚੇ
ਓਰੇਗੈਨੋ- 1 ਚਮਚਾ
ਬਣਾਉਣ ਦੀ ਵਿਧੀ
1. ਇਕ ਬਰਤਨ ਵਿਚ ਪਾਣੀ ਲਓ। ਇਸ ਵਿਚ ਲੂਣ ਪਾਓ ਅਤੇ ਇਸ ਨੂੰ ਉਬਲਣ ਦਿਓ। ਹੁਣ ਇਸ ਵਿਚ ਮੈਕਰੋਨੀ ਪਾਓ ਅਤੇ ਨਰਮ ਹੋਣ ਤੱਕ ਪਕਾਓ।
2. ਮੈਕਰੋਨੀ ਨੂੰ ਛਾਣ ਲਓ ਅਤੇ ਇਸ ਨੂੰ ਇਕ ਪਾਸੇ ਰੱਖੋ। ਮੈਕਰੋਨੀ ਨੂੰ ਚਿਪਕਣ ਤੋਂ ਬਚਾਉਣ ਲਈ ਇਸ ‘ਤੇ ਤੇਲ ਛਿੜਕੋ।
3. ਹੁਣ ਇਕ ਕੜਾਹੀ ਵਿਚ ਤੇਲ ਗਰਮ ਕਰੋ। ਇਸ ਵਿਚ ਪਿਆਜ਼, ਅਦਰਕ, ਲਸਣ ਅਤੇ ਹਰੀ ਮਿਰਚ ਪਾਓ।
4. ਇਸ ਵਿਚ ਟਮਾਟਰ ਪਾਓ ਅਤੇ ਰਲਾਓ।
5. ਹੁਣ ਇਸ ਵਿਚ ਲੂਣ ਪਾਓ ਅਤੇ ਚੰਗੀ ਤਰ੍ਹਾਂ ਮਿਲਾਓ। ਇਸ ਤੋਂ ਬਾਅਦ ਸ਼ਿਮਲਾ ਮਿਰਚ ਪਾਓ।
6. ਸਬਜ਼ੀਆਂ ਨੂੰ ਪਕਾਉਣ ਲਈ ਪਾਣੀ ਪਾਓ।
7. ਟਮਾਟਰ ਦੀ ਚਟਨੀ ਅਤੇ ਓਰੇਗੈਨੋ ਪਾਓ ਅਤੇ ਇਸ ਨੂੰ ਚੰਗੀ ਤਰ੍ਹਾਂ ਮਿਲਾਓ।
8. ਹੁਣ ਇਸ ਵਿਚ ਉਬਾਲੀ ਹੋਈ ਮੈਕਰੋਨੀ ਪਾਓ ਅਤੇ ਇਸ ਨੂੰ ਪਕਾਓ।
9. ਮਸਾਲੇਦਾਰ ਮੈਕਰੋਨੀ ਬਣ ਕੇ ਤਿਆਰ ਹੈ, ਇਸ ਨੂੰ ਗਰਮ-ਗਰਮ ਸਰਵ ਕਰੋ।

Leave a Reply

Your email address will not be published. Required fields are marked *