ਅਫ਼ਗਾਨਿਸਤਾਨ ਵੱਲੋਂ ਅਲ-ਕਾਇਦਾ ਆਗੂ ਨੂੰ ਮਾਰਨ ਦਾ ਦਾਅਵਾ

ਕਾਬੁਲ : ਅਫ਼ਗ਼ਾਨਿਸਤਾਨ ਨੇ ਦਾਅਵਾ ਕੀਤਾ ਹੈ ਕਿ ਇਸ ਨੇ ਦੇਸ਼ ਦੇ ਪੂਰਬੀ ਹਿੱਸੇ ਵਿਚ ਕਾਰਵਾਈ ਦੌਰਾਨ ਅਲ-ਕਾਇਦਾ ਦੇ ਮੋਹਰੀ ਆਗੂ, ਜੋ ਕਿ ਐੱਫਬੀਆਈ ਨੂੰ ਲੋੜੀਂਦਾ ਸੀ, ਨੂੰ ਮਾਰ ਮੁਕਾਇਆ ਹੈ। ਹੁਸਮ ਅਬਦ ਅਲ-ਰਾਊਫ਼ ਦੀ ਮੌਤ ਊਦੋਂ ਹੋਈ ਹੈ, ਜਦੋਂ ਖੇਤਰ ਵਿਚ ਲਗਾਤਾਰ ਹਿੰਸਾ ਹੋ ਰਹੀ ਹੈ ਅਤੇ ਕਾਬੁਲ ਨੇੜੇ ਸਿੱਖਿਆ ਸੈਂਟਰ ਕੋਲ ਹੋਏ ਮਨੁੱਖੀ ਬੰਬ ਧਮਾਕੇ ਦੌਰਾਨ ਕਈ ਲੋਕਾਂ ਦੀ ਮੌਤ ਹੋ ਗਈ ਸੀ। ਇਸ ਦੌਰਾਨ ਅਫ਼ਗਾਨਿਸਤਾਨ ਦੀ ਰਾਜਧਾਨੀ ਕਾਬੁਲ ਵਿਚ ਇਕ ਸਿੱਖਿਆ ਸੈਂਟਰ ਦੇ ਬਾਹਰ ਹੋਏ ਆਤਮਘਾਤੀ ਹਮਲੇ ਵਿਚ ਮਰਨ ਵਾਲਿਆਂ ਦੀ ਗਿਣਤੀ ਵਧ ਕੇ 30 ਹੋ ਗਈ ਹੈ। ਇਕ ਸੁਰੱਖਿਆ ਅਧਿਕਾਰੀ ਨੇ ਦੱਸਿਆ ਕਿ ਇਸ ਹਮਲੇ ਦੌਰਾਨ ਜ਼ਖ਼ਮੀ ਹੋਏ ਵਿਅਕਤੀਆਂ ਦੀ ਗਿਣਤੀ ਵੀ 70 ਤੋਂ ਵਧ  ਗਈ ਹੈ। ਹਾਦਸੇ ਦਾ ਸ਼ਿਕਾਰ   ਹੋਣ ਵਾਲਿਆਂ ਵਿਚੋਂ ਬਹੁਤੇ ਨੌਜਵਾਨ ਹਨ। ਇਸਲਾਮਿਕ ਸਟੇਟ ਗਰੁੱਪ ਨੇ ਇਸ ਹਾਦਸੇ ਦੀ ਜ਼ਿੰਮੇਵਾਰੀ ਲਈ ਹੈ। 

Leave a Reply

Your email address will not be published. Required fields are marked *