ਪਾਕਿ : ਨਹਿਰ ‘ਚ ਡੁੱਬੀ ਵੈਨ, 11 ਲੋਕਾਂ ਦੀ ਮੌਤ

ਇਸਲਾਮਾਬਾਦ :ਪਾਕਿਸਤਾਨ ਦੇ ਪੰਜਾਬ ਸੂਬੇ ਦੇ ਖਾਨੇਵਾਲ ਜ਼ਿਲ੍ਹੇ ਵਿਚ ਇਕ ਵੈਨ ਨਹਿਰ ਵਿਚ ਡੁੱਬ ਗਈ। ਐਤਵਾਰ ਨੂੰ ਬਚਾਅ ਕਰਮੀਆਂ ਨੇ ਇਕ ਹੀ ਪ੍ਰਵਾਰ ਦੇ ਲਾਪਤਾ 12 ਲੋਕਾਂ ਵਿਚੋਂ 11 ਦੀਆਂ ਲਾਸ਼ਾਂ ਬਰਾਮਦ ਕੀਤੀਆਂ। ਪੁਲਿਸ ਅਤੇ ਬਚਾਅ ਦਲ ਨੇ ਇਹ ਜਾਣਕਾਰੀ ਦਿਤੀ।ਪੁਲਿਸ ਮੁਤਾਬਕ ਹਾਦਸਾ ਸ਼ੁਕਰਵਾਰ ਰਾਤ ਵਾਪਰਿਆ ਜਦਕਿ ਬਚਾਅ ਕੰਮ ਸਨਿਚਰਵਾਰ ਨੂੰ ਸ਼ੁਰੂ ਹੋਇਆ ਸੀ। ਸਾਰੀਆਂ ਲਾਸ਼ਾਂ ਨੂੰ ਨੇੜੇ ਦੇ ਦੋ ਹਸਪਤਾਲਾਂ ਵਿਚ ਭੇਜ ਦਿਤਾ ਗਿਆ ਹੈ ਅਤੇ ਲੋੜੀਂਦੀ ਕਾਨੂੰਨੀ ਕਾਰਵਾਈ ਕਰਨ ਦੇ ਬਾਅਦ ਲਾਸ਼ਾਂ ਨੂੰ ਉਹਨਾਂ ਦੇ ਪ੍ਰਵਾਰਾਂ ਨੂੰ ਸੌਂਪ ਦਿਤੀਆਂ ਜਾਣਗੀਆਂ।

ਇਕ ਹੋਰ ਲਾਪਤਾ ਵਿਅਕਤੀ ਦੀ ਤਲਾਸ਼ ਵਿਚ ਬਚਾਅ ਕੰਮ ਜਾਰੀ ਹੈ। ਬਚਾਅ ਦਲ ਨੂੰ ਲਾਸ਼ਾਂ ਦੀ ਤਲਾਸ਼ ਵਿਚ ਇਸ ਲਈ ਵੀ ਦੇਰੀ ਹੋਈ ਕਿਉਂਕਿ ਪਾਣੀ ਦੇ ਵਹਾਅ ਦੇ ਕਾਰਨ ਕੁਝ ਲਾਸ਼ਾਂ ਕਾਫੀ ਅੱਗੇ ਤਕ ਰੁੜ੍ਹ ਗਈਆਂ ਸਨ। ਹਾਦਸਾ ਸਥਲ ਤੋਂ ਕਾਫੀ ਅੱਗੇ ਲਾਸ਼ਾਂ ਨੂੰ ਬਰਾਮਦ ਕੀਤਾ ਜਾ ਸਕਿਆ।ਮ੍ਰਿਤਕਾਂ ਵਿਚ 6 ਔਰਤਾਂ, 3 ਬੱਚੇ ਅਤੇ 2 ਪੁਰਸ਼ ਹਨ। ਇਹ ਸਾਰੇ ਨੇੜੇ ਦੇ ਸ਼ਹਿਰ ਵਿਚ ਅਪਣੇ ਰਿਸ਼ਤੇਦਾਰ ਕੋਲ ਜਾ ਰਹੇ ਸਨ। ਪੁਲਿਸ ਮੁਤਾਬਕ ਬਚਾਅ ਕੰਮ ਵਿਚ ਹਿੱਸਾ ਲੈਣ ਵਾਲੇ ਗੋਤਾਖੋਰ ਸਰਕਾਰੀ ਸੰਗਠਨ ਰੈਸਕਿਊ 1122 ਤੋਂ ਸਨ। ਇਹਨਾਂ ਦੇ ਇਲਾਵਾ ਵਾਲੰਟੀਅਰ ਕਾਰਕੁੰਨਾਂ ਨੇ ਵੀ ਬਚਾਅ ਕੰਮ ਵਿਚ ਹਿੱਸਾ ਲਿਆ।

Leave a Reply

Your email address will not be published. Required fields are marked *