ਤਾਲਿਬਾਨ ਨੂੰ ਮਾਨਤਾ ਦੇਣ ਸਬੰਧੀ ਰੂਪ-ਰੇਖਾ ਬਣਾਏ ਵਿਸ਼ਵ ਭਾਈਚਾਰਾ : ਕੁਰੈਸ਼ੀ
ਨਿਊਯਾਰਕ: ਪਾਕਿਸਤਾਨ ਨੇ ਆਪਣੇ ਗੁਆਂਢੀ ਅਫਗਾਨਿਸਤਾਨ ਵਿਚ ਫਿਰ ਤੋਂ ਸੱਤਾ ਵਿਚ ਆਈ ਤਾਲਿਬਾਨ ਦੀ ਤਜ਼ਰਬੇਕਾਰ ਸਰਕਾਰ ਨਾਲ ਨਜਿੱਠਣ ਲਈ ਯਥਾਰਥਵਾਦੀ ਬਣਨ, ਤਸੱਲੀ ਦਿਖਾਉਣ, ਗੱਲਬਾਤ ਕਰਨ ਅਤੇ ਸਭ ਤੋਂ ਜ਼ਰੂਰੀ ਖੁਦ ਨੂੰ ਅਲੱਗ-ਥਲੱਗ ਨਾ ਹੋਣ ਦੇਣ ਵਰਗੇ ਅਹਿਮ ਪਹਿਲੂਆਂ ਨੂੰ ਆਪਣੀ ਯੋਜਨਾ ਵਿਚ ਸ਼ਾਮਲ ਕੀਤਾ ਹੈ। ਪਾਕਿਸਤਾਨ ਸਰਕਾਰ ਦਾ ਪ੍ਰਸਤਾਵ ਹੈ ਕਿ ਵਿਸ਼ਵ ਭਾਈਚਾਰਾ ਤਾਲਿਬਾਨ ਨੂੰ ਡਿਪਲੋਮੈਟ ਮਾਨਤਾ ਦੇਣ ਸਬੰਧੀ ਇਕ ਰੂਪ-ਰੇਖਾ ਤਿਆਰ ਕਰੇ ਅਤੇ ਜੇਕਰ ਤਾਲਿਬਾਨ ਉਸ ਦੀਆਂ ਲੋੜਾਂ ਨੂੰ ਪੂਰਾ ਕਰਦੇ ਹਨ ਤਾਂ ਇਨਸੈੱਨਟਿਵਸ ਦਾ ਐਲਾਨ ਕਰਨ। ਇਸ ਤੋਂ ਬਾਅਦ ਆਹਮੋ-ਸਾਹਮਣੇ ਬੈਠੇ ਮਿਲਿਸ਼ੀਆ ਦੇ ਨੇਤਾਵਾਂ ਨਾਲ ਗੱਲ ਕੀਤੀ ਜਾਵੇ।
ਪਾਕਿਸਤਾਨ ਦੇ ਵਿਦੇਸ਼ ਮੰਤਰੀ ਸ਼ਾਹ ਮਹਿਮੂਦ ਕੁਰੈਸ਼ੀ ਨੇ ਵੈਸ਼ਵਿਕ ਨੇਤਾਵਾਂ ਨਾਲ ਸੰਯੁਕਤ ਰਾਸ਼ਟਰ ਮਹਾਸਭਾ ਦੀ ਮੀਟਿੰਗ ਵਿਚ ਇਕ ਇੰਟਰਵਿਊ ਵਿਚ ਬੁੱਧਵਾਰ ਨੂੰ ਇਸ ਵਿਚਾਰ ਨੂੰ ਰੇਖਾਬੱਧ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਉਹ ਉਨ੍ਹਾਂ ਉਮੀਦਾਂ ’ਤੇ ਖਰੇ ਉਤਰਦੇ ਹਨ ਤਾਂ ਉਹ ਆਪਣੇ ਲਈ ਆਸਾਨੀ ਪੈਦਾ ਕਰਨਗੇ, ਉਨ੍ਹਾਂ ਨੂੰ ਮਾਨਤਾ ਮਿਲੇਗੀ ਜੋ ਜ਼ਰੂਰੀ ਹੈ।
