ਖ਼ੁਦ ਨੂੰ ਭਗਵਾਨ ਦੱਸਦੇ ਹੋਏ ਵਿਅਕਤੀ ਨੇ ਬਜ਼ੁਰਗ ਮਹਿਲਾ ਦਾ ਕੀਤਾ ਕਤਲ, ਛਾਤੀ ‘ਚ ਮਾਰਿਆ ਮੁੱਕਾ

ਉਦੇਪੁਰ – ਆਪਣੇ ਆਪ ਨੂੰ ਭਗਵਾਨ ਸ਼ਿਵ ਦਾ ਅਵਤਾਰ ਦੱਸਦਿਆਂ 60 ਸਾਲਾ ਵਿਅਕਤੀ ਨੇ 85 ਸਾਲਾ ਬਜ਼ੁਰਗ ਔਰਤ ਦੇ ਛਾਤੀ ‘ਚ ਮੁੱਕਾ ਮਾਰ ਕੇ ਉਸ ਦੀ ਜਾਨ ਲੈ ਲਈ। ਕਤਲ ਤੋਂ ਬਾਅਦ ਵੀ ਮੁਲਜ਼ਮ ਨੇ ਬਜ਼ੁਰਗ ਔਰਤ ’ਤੇ ਛੱਤਰੀ ਨਾਲ ਹਮਲਾ ਕੀਤਾ। ਮਾਮਲਾ ਉਦੈਪੁਰ ਦੇ ਸਾਇਰਾ ਇਲਾਕੇ ਦਾ ਹੈ। ਘਟਨਾ 5 ਅਗਸਤ ਦੀ ਹੈ। ਇਸ ਦਾ ਵੀਡੀਓ ਐਤਵਾਰ ਨੂੰ ਸਾਹਮਣੇ ਆਇਆ ਹੈ।

ਐਸਪੀ ਭੁਵਨ ਭੂਸ਼ਣ ਯਾਦਵ ਨੇ ਦੱਸਿਆ ਕਿ ਮੁਲਜ਼ਮ ਪ੍ਰਤਾਪ ਸਿੰਘ ਵਾਸੀ ਤਰਪਾਲ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਉਸ ਨੇ ਦੱਸਿਆ ਕਿ ਸੀਰਾ ਦੀ ਰਹਿਣ ਵਾਲੀ ਕਲਕੀ ਬਾਈ 5 ਅਗਸਤ ਨੂੰ ਸਵੇਰੇ ਅਪਣੇ ਪੇਕੇ (ਜਰੋਲੀ) ਜਾਣ ਲਈ ਰਵਾਨਾ ਹੋਈ ਸੀ। ਮੁਲਜ਼ਮ ਨੇ ਔਰਤ ਨੂੰ ਹਮਰਾਇ ਦੇ ਨੇੜੇ ਆਉਂਦਾ ਦੇਖ ਕੇ ਉਸ ਨੂੰ ਫੜ ਲਿਆ ਅਤੇ ਆਪਣੇ ਆਪ ਨੂੰ ਭਗਵਾਨ ਸ਼ਿਵ ਦਾ ਅਵਤਾਰ ਦੱਸਣਾ ਸ਼ੁਰੂ ਕੀਤਾ। ਇਸ ਦੌਰਾਨ ਇੱਥੇ ਬੱਕਰੀਆਂ ਚਾਰਨ ਆਏ ਨੱਥੂ ਸਿੰਘ ਨੇ ਮੁਲਜ਼ਮ ਨੂੰ ਦੇਖ ਕੇ ਸੋਚਿਆ ਕਿ ਉਹ ਔਰਤ ਨਾਲ ਮਜ਼ਾਕ ਕਰ ਰਿਹਾ ਹੈ।

ਦੋਸ਼ੀ ਨੇ ਆਪਣੀ ਹੀ ਛੱਤਰੀ ਨਾਲ ਔਰਤ ‘ਤੇ ਹਮਲਾ ਕਰਨਾ ਸ਼ੁਰੂ ਕਰ ਦਿੱਤਾ। ਔਰਤ ਦੇ ਖਊਨ ਵਹਿਣ ਲੱਗਿਆ। ਇਸ ਤੋਂ ਬਾਅਦ ਵੀ ਮੁਲਜ਼ਮ ਕੁੱਟਮਾਰ ਕਰਦਾ ਰਿਹਾ। ਉਸ ਨੇ ਔਰਤ ਦੀ ਛਾਤੀ ‘ਤੇ ਮੁੱਕਾ ਵੀ ਮਾਰਿਆ। ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਐੱਸਪੀ ਦੇ ਨਿਰਦੇਸ਼ਾਂ ‘ਤੇ ਪੁਲਿਸ ਹਰਕਤ ‘ਚ ਆ ਗਈ। ਪੁਲਿਸ ਨੇ ਮੁੱਖ ਮੁਲਜ਼ਮ ਪ੍ਰਤਾਪ ਸਿੰਘ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਘਟਨਾ ਦੇ ਸਮੇਂ ਮੌਜੂਦ ਨੱਥੂ ਸਿੰਘ ਅਤੇ ਦੋ ਨਾਬਾਲਗਾਂ ਦੀ ਭੂਮਿਕਾ ਦੇ ਨਾਲ-ਨਾਲ ਉਸ ਸਬੰਧੀ ਵੀ ਜਾਂਚ ਕੀਤੀ ਜਾ ਰਹੀ ਹੈ।