ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ ਕ੍ਰਿਸ ਹਿਪਕਿਨਸ ਨੇ ਟਾਕਾਨੀਨੀ ਗੁਰੂ ਘਰ ਵਿਖੇ ਟੇਕਿਆ ਮੱਥਾ

ਪ੍ਰਧਾਨ ਮੰਤਰੀ ਨੇ ਜਿਥੇ ਅਪਣੇ ਭਾਸ਼ਨ ਵਿਚ ਟਾਕਾਨੀਨੀ ਗੁਰੂ ਘਰ ਦਾ ਵੱਖ-ਵੱਖ ਸਮਿਆਂ ਵਿਚ ਕੀਤੀ ਸਮਾਜ ਅਤੇ ਸੰਗਤ ਦੀ ਸੇਵਾ, ਕੋਵਿਡ ਦੌਰਾਨ ਚਲਾਈ ਗਈ ਫ਼ੂਡ ਡਰਾਈਵ ਅਤੇ ਕਮਿਊਨਿਟੀ ਦੀ ਬਿਹਤਰੀ ਲਈ ਕੀਤੇ ਕਾਰਜਾਂ ਦੀ ਸ਼ਲਾਘਾ ਕੀਤੀ, ਉਥੇ ਦੇਸ਼ ਵਿਚ ਸਿੱਖਾਂ ਅਤੇ ਪੰਜਾਬੀਆਂ ਨੂੰ ਦਰਪੇਸ਼ ਆ ਰਹੀਆਂ ਮੁਸ਼ਕਲਾਂ, ਪੰਜ ਕਕਾਰਾਂ ਦੀ ਪਛਾਣ ਅਤੇ ਪਹਿਨਣ ਦੀ ਮਨਜ਼ੂਰੀ ਸਬੰਧੀ ਮੁਸ਼ਕਲਾਂ, ਵਧੀਆਂ ਹੋਈਆਂ ਅਪਰਾਧਕ ਗਤੀਵਿਧਿਆਂ, ਪੁਲਿਸ ਕਰਮੀਆਂ ਦੀ ਭਰਤੀ ਅਤੇ ਮੁਸਤੈਦੀ ਸਬੰਧੀ ਸੱਭ ਦਿੱਕਤਾਂ ਦੇ ਹੱਲ ਦਾ ਵੀ ਭਰੋਸਾ ਦਿਵਾਇਆ।

ਪ੍ਰਧਾਨ ਮੰਤਰੀ ਦੇ ਭਾਸ਼ਣ ਤੋਂ ਪਹਿਲਾਂ ਪਾਰਟੀ ਦੇ ਬੋਟਨੀ ਹਲਕੇ ਤੋਂ ਉਮੀਦਵਾਰ ਖੜਗ ਸਿੰਘ ਨੇ ਅਪਣੇ ਭਾਸ਼ਣ ਵਿਚ ਪਹੁੰਚੀਆਂ ਹੋਈਆਂ ਸੰਗਤਾਂ ਨੂੰ ਅਗਾਮੀ ਚੋਣਾਂ ਵਿਚ ਲੇਬਰ ਪਾਰਟੀ ਅਤੇ ਉਨ੍ਹਾਂ ਦੇ ਹੱਕ ਵਿਚ ਵੋਟ ਪਾਉਣ ਦੀ ਅਪੀਲ ਕੀਤੀ ਤਾਂ ਜੋ ਉਹ ਪਾਰਲੀਮੈਂਟ ਵਿਚ ਸਿੱਖਾਂ ਅਤੇ ਪੰਜਾਬੀਆਂ ਦੀ ਅਵਾਜ਼ ਬਣ ਸਕਣ। ਇਸ ਦੌਰਾਨ ਟਾਕਾਨੀਨੀ ਹਲਕੇ ਤੋਂ ਮੈਂਬਰ ਪਾਰਲੀਮੈਂਟ ਡਾ. ਲਿਵਾਸਾ ਨੇ ਵੀ ਸੰਬੋਧਨ ਕੀਤਾ ਅਤੇ ਗੁਰੂ ਘਰ ਅਤੇ ਸੰਗਤਾਂ ਦਾ ਧਨਵਾਦ ਕੀਤਾ।