ਸ੍ਰੀ ਮੁਕਤਸਰ ਸਾਹਿਬ ‘ਚ ਨੌਜਵਾਨ ਦਾ ਕੀਤਾ ਕਤਲ

ਸ੍ਰੀ ਮੁਕਤਸਰ ਸ਼ਹਿਰ: ਸ੍ਰੀ ਮੁਕਤਸਰ ਸ਼ਹਿਰ ‘ਚ ਤੇਜ਼ਧਾਰ ਹਥਿਆਰ ਨਾਲ ਨੌਜਵਾਨ ਦਾ ਕਤਲ ਕਰ ਦਿਤਾ ਗਿਆ। ਮ੍ਰਿਤਕ ਦੀ ਪਛਾਣ ਹੈਪੀ (24) ਪੁੱਤਰ ਮਹਿੰਦਰ ਸਿੰਘ ਵਜੋਂ ਹੋਈ ਹੈ। ਮ੍ਰਿਤਕ ਦੇ ਭਰਾ ਨੇ ਦਸਿਆ ਕਿ ਗੁਆਂਢ ‘ਚ ਰਹਿੰਦਾ ਇੱਕ ਵਿਅਕਤੀ ਆਉਣ-ਜਾਣ ‘ਤੇ ਨਜ਼ਰ ਰੱਖਦਾ ਸੀ ਅਤੇ ਇਕ-ਦੋ ਵਾਰ ਲੜਾਈ ਵੀ ਹੋ ਗਈ ਸੀ। ਅੱਜ ਭਰਾ ਹੈਪੀ ਦੁਕਾਨ ਤੋਂ ਆਲੂ ਲੈ ਕੇ ਘਰ ਆ ਰਿਹਾ ਸੀ ਤਾਂ ਰਸਤੇ ਵਿਚ ਉਸ ਵਿਅਕਤੀ ਨੇ ਉਸ ਨੂੰ ਰੋਕ ਲਿਆ।

ਮ੍ਰਿਤਕ ਦੇ ਭਰਾ ਅਨੁਸਾਰ ਜਦੋਂ ਹੈਪੀ ਨੇ ਉਸ ਨੂੰ ਰੋਕਣ ਦਾ ਕਾਰਨ ਪੁੱਛਿਆ ਤਾਂ ਉਹ ਲੜਨ ਲੱਗ ਪਿਆ। ਇਸ ਦੌਰਾਨ ਉਸ ਨੇ ਹੈਪੀ ਨੂੰ ਦੋ ਵਾਰ ਬਰਛੇ ਨਾਲ ਮਾਰਿਆ। ਰੌਲਾ ਸੁਣ ਕੇ ਉਹ ਭੱਜੇ ਤਾਂ ਹੈਪੀ  ਨੂੰ ਜ਼ਖ਼ਮੀ ਤੇ ਵਿਅਕਤੀ ਨੂੰ ਭੱਜਦੇ ਦੇਖਿਆ। ਜ਼ਖ਼ਮੀ ਹਾਲਤ ਵਿਚ ਹੈਪੀ ਨੂੰ ਹਸਪਤਾਲ ਜਾਖਲ ਕਰਵਾਇਆ ਗਿਆ। ਜਿਥੇ ਇਲਾਜ ਦੌਰਾਨ ਹੈਪੀ ਦੀ ਮੌਤ ਹੋ ਗਈ।