ਗੁਰੂ ਤੇਗ ਬਹਾਦਰ ਪਬਲਿਕ ਸਕੂਲ ਹਜ਼ਾਰਾ ਵੱਲੋਂ ਫ਼ਨ ਪਿਕਨਿਕ ਦਾ ਆਯੋਜਨ

ਜਲੰਧਰ: ਗੁਰੂ ਤੇਗ ਬਹਾਦਰ ਪਬਲਿਕ ਸਕੂਲ ਹਜ਼ਾਰਾ ਵਿਖੇ ਸਕੂਲ ਦੇ ਸਕੱਤਰ ਸ :ਸੁਰਜੀਤ ਸਿੰਘ ਚੀਮਾ, ਡਾਇਰੈਕਟਰ ਸ਼੍ਰੀਮਤੀ ਨਿਸ਼ਾ ਮੜੀਆ ਅਤੇ ਸਕੂਲ ਪ੍ਰਿੰਸੀਪਲ ਸ਼੍ਰੀਮਤੀ ਅਮੀਤਾਲ ਕੌਰ ਦੀ ਰਹਿਨੁਮਾਈ  ਹੇਠ ਨਰਸਰੀ ਤੋਂ ਪੰਜਵੀਂ ਜਮਾਤ ਦੇ ਬੱਚਿਆਂ ਲਈ ਫ਼ਨ ਪਿਕਨਿਕ ਦਾ ਆਯੋਜਨ ਕੀਤਾ ਗਿਆ |ਇਸ ਮੌਕੇ ਤੇ ਸ. ਸਤਪਾਲ ਸਿੰਘ ਜੌਹਲ, ਸ. ਲਖਵੀਰ ਸਿੰਘ ਜੌਹਲ ਅਤੇ ਸ. ਜੁਗਰਾਜ ਸਿੰਘ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ |ਇਸ ਪਿਕਨਿਕ ਵਿੱਚ ਸਕੂਲ ਵਿਖੇ ਲੱਗੇ ਵੱਖ – ਵੱਖ  ਕਿਸਮਾਂ ਦੇ ਝੂਲਿਆਂ  ਦਾ ਬੱਚਿਆਂ  ਨੇ ਭਰਪੂਰ ਆਨੰਦ ਲਿਆ| ਇਸ ਪਿਕਨਿਕ ਵਿੱਚ ਬੱਚਿਆਂ ਲਈ ਵੱਖ-ਵੱਖ  ਤਰ੍ਹਾਂ ਦੇ ਸਲਾਈਡ ਪੂਲ, ਬਿਗ ਪੂਲ, ਸਮਾਲ  ਪੂਲ, ਰੇਨ  ਪੂਲ, ਡੀ. ਜੇ, ਜ਼ਾਰਵ ਬਾਲ, ਬੋਟਿੰਗ, ਬਾਊਸੀ, ਮੈਰੀਗੋਰਾਉਂਡ , ਟਰਾਪੋਲੀਨ, ਕਮਾਂਡੋ  ਨੈਟ, ਬਰਮਾਂ ਬਰਿਜ, ਐਡਵੈਂਚਰ  ਬਰਮਾਂ ਬਰਿਜ ਡਰੈਗਨ ਮੋਵ, ਕਾਰਟੂਨ ਕਰੈਕਟਰ ਜਿਵੇਂ ਕਿ ਮੋਟੂ-ਪਤਲੂ, ਜਮਪਿੰਗ ਰਾਈਡ, ਮੈਨੂਅਲ ਰਾਈਡ, ਡਮੀ ਜੌਕਰ, ਸਵਿਮਿੰਗ ਪੂਲ, ਰੇਨ ਡਾਂਸ ਆਦਿ ਦਾ ਪ੍ਰਬੰਧ ਕੀਤਾ ਗਿਆ|ਅਜਿਹੇ ਝੂਲਿਆਂ ਨੂੰ ਦੇਖਕੇ ਬੱਚਿਆਂ ਦੇ ਚਿਹਰੇ ਚਮਕ ਉੱਠੇ |

ਬੱਚਿਆਂ ਨੇ ਤਰ੍ਹਾਂ -ਤਰ੍ਹਾਂ ਦੀ ਐਕਟੀਵਿਟੀ ਕਰਕੇ ਖ਼ੂਬ ਆਨੰਦ ਮਾਣਿਆ| ਬੱਚੇ ਸਾਰਾ ਸਮਾਂ ਪੂਰੇ ਉਤਸ਼ਾਹ ਨਾਲ ਵੱਖ-ਵੱਖ ਤਰ੍ਹਾਂ ਦੇ ਝੂਲਿਆਂ ਦਾ ਆਨੰਦ ਲੈਂਦੇ ਰਹੇ| ਇਸੇ ਦੌਰਾਨ ਬੱਚਿਆਂ ਨੂੰ ਸਕੂਲ ਵਲੋਂ ਖਾਣ-ਪੀਣ ਦਾ ਸਮਾਨ ਵੰਡਿਆ ਗਿਆ | ਇਸ ਤਰ੍ਹਾਂ ਦੀ ਫ਼ਨ ਪਿਕਨਿਕ ਦਾ ਆਯੋਜਨ ਕਰਨ ਨਾਲ ਬੱਚਿਆਂ ਵਿੱਚ ਆਪਸੀ ਤਾਲ ਮੇਲ ਪੈਦਾ ਕਰਕੇ ਇੱਕ ਦੂਜੇ ਨਾਲ ਸਹਿਯੋਗ ਕਰਨ ਦੀ ਭਾਵਨਾ ਆਉਂਦੀ ਹੈ ਅਤੇ ਬੱਚਿਆਂ ਦਾ ਸਰੀਰਕ ਤੇ ਮਾਨਸਿਕ ਵਿਕਾਸ ਹੁੰਦਾ ਹੈ|ਮਾਪਿਆਂ ਵੱਲੋਂ ਬੱਚਿਆਂ ਦੀ ਇਸ ਐਕਟੀਵਿਟੀ ਦੀ ਭਰਪੂਰ ਸ਼ਲਾਘਾ ਕੀਤੀ ਗਈ ਅਤੇ ਭਵਿੱਖ ਵਿੱਚ ਵੀ ਅਜਿਹੇ ਪ੍ਰੋਗਰਾਮ (ਪਿਕਨਿਕ) ਕਰਵਾਉਣ ਲਈ ਸਕੂਲ ਪ੍ਰਬੰਧਕਾਂ ਨੂੰ  ਬੇਨਤੀ ਕੀਤੀ ਗਈ|