ਇਕ ਦੇਸ਼, ਇਕ ਚੋਣ ਨੂੰ ਲੈ ਕੇ ਸੁਪਰੀਮ ਕੋਰਟ ਦੇ ਮਸ਼ਹੂਰ ਵਕੀਲ ਪ੍ਰਸ਼ਾਂਤ ਭੂਸ਼ਣ ਦਾ ਵੱਡਾ ਬਿਆਨ

ਨਵੀਂ ਦਿੱਲੀ: ਘਰੇਲੂ ਚੀਨੀ ਦੀਆਂ ਕੀਮਤਾਂ ਵਧ ਰਹੀਆਂ ਹਨ ਅਤੇ 2-3 ਮਹੀਨਿਆਂ ਤਕ ਵਧ ਰਹਿਣ ਦੀ ਉਮੀਦ ਹੈ। ਸਥਾਨਕ ਚੀਨੀ ਦੀਆਂ ਕੀਮਤਾਂ ਪਿਛਲੇ ਤਿੰਨ ਹਫ਼ਤਿਆਂ ’ਚ ਰੀਕਾਰਡ ਉਚਾਈ ’ਤੇ ਪਹੁੰਚ ਗਈਆਂ ਹਨ। ਇਸ ਦਾ ਕਾਰਨ ਉਤਪਾਦਨ ’ਤੇ ਚਿੰਤਾ ਦੇ ਨਾਲ-ਨਾਲ ਨਾਜ਼ੁਕ ਬੈਲੰਸ ਸ਼ੀਟ (30 ਸਤੰਬਰ ਨੂੰ 6 ਮਿਲੀਟਲ ਟਨ ਸਟਾਕ ਬੰਦ ਹੋਣ ਦਾ ਅੰਦਾਜ਼ਾ) ਤਿਉਹਾਰਾਂ ਦੇ ਮਹੀਨਿਆਂ ’ਚ ਦੋ ਮਹੀਨੇ ਦੀ ਖਪਤ ਲਈ ਮੁਸ਼ਕਲ ਨਾਲ ਉਪਲਬਧਤਾ ਅਤੇ ਦੇਰੀ ਕਾਰਨ ਹੈ।

ਜੇ.ਐੱਮ. ਫ਼ਾਈਨਾਂਸ਼ੀਅਲ ਇੰਸਟੀਚਿਊਸ਼ਨਲ ਸਿਕਿਉਰਟੀਜ਼ ਨੇ ਇਕ ਰੀਪੋਰਟ ’ਚ ਕਿਹਾ ਕਿ ਤਿਉਹਾਰਾਂ ’ਚ ਦੇਰੀ (ਇਸ ਲਈ ਕਿਰਤ ਦੀ ਉਪਲਬਧਤਾ) ਅਤੇ ਮਿਲਾਂ ਵਲੋਂ ਵਸੂਲੀ ਦੇ ਪੱਧਰ ਨੂੰ ਅਨੁਕੂਲਿਤ ਕਰਨ ਦੀਆਂ ਕੋਸ਼ਿਸ਼ਾਂ ਕਾਰਨ ਪਿੜਾਈ ਸੀਜ਼ਨ ਦੀ ਸ਼ੁਰੂਆਤ ਤੋਂ ਲੈ ਕੇ ਨਵੰਬਰ ਤੇ ਅੰਤ (ਆਮ ਤੌਰ ’ਤੇ ਮੱਧ ਅਕਤੂਬਰ) ਤਕ ਇਹ ਬਣਿਆ ਰਹੇਗਾ।

ਭਾਰਤ ਤਿੰਨ ਸਾਲਾਂ ਤੋਂ ਦੁਨੀਆਂ ਦੇ ਮੋਢੀ ਨਿਰਯਾਤਕਾਂ ’ਚੋਂ ਰਿਹਾ ਹੈ ਅਤੇ ਭਾਰਤ ਦੇ ਚੀਨੀ ਉਤਪਾਦਨ ਅੰਦਾਜ਼ੇ ਅਤੇ ਸਿਫ਼ਰ ਨਿਰਯਾਤ ਦੀ ਸੰਭਾਵਨਾ ’ਤੇ ਚਿੰਤਾਵਾਂ ਕਾਰਨ ਕੌਮਾਂਤਰੀ ਚੀਨੀ ਕੀਮਤਾਂ 12 ਸਾਲਾਂ ਦੇ ਸਭ ਤੋਂ ਉੱਚੇ ਪੱਧਰ ’ਤੇ ਹਨ।

ਰੀਪੋਰਟ ’ਚ ਕਿਹਾ ਗਿਆ ਹੈ, ਪਰ ਨਿਰਯਾਤ ਦੀ ਕਮੀ ਨੂੰ ਵੇਖਦਿਆਂ ਇਸ ਨਾਲ ਸਥਾਨਕ ਉਤਪਾਦਕਾਂ ਨੂੰ ਜ਼ਿਆਦਾ ਮਦਦ ਨਹੀਂ ਮਿਲਦੀ ਹੈ। ਨਾਲ ਹੀ, ਕਿਸੇ ਵੀ ਆਯਾਤ ਦੀ ਕਮੀ ਨੂੰ ਵੇਖਦਿਆਂ ਸਥਾਨਕ ਕੀਮਤਾਂ ਦਾ ਕੌਮਾਂਤਰੀ ਕੀਮਤਾਂ ਨਾਲ ਕੋਈ ਸਿੱਧਾ/ਅਸਿੱਧਾ ਸਬੰਧ ਨਹੀਂ ਹੈ, ਅਤੇ ਸਰਕਾਰ ਅਪਣੇ ਮਹੀਨਾਵਾਰ ਰਿਲੀਜ਼ ਤੰਤਰ ਉਪਾਅ ਰਾਹੀਂ ਸਥਾਨਕ ਕੀਮਤਾਂ ਨੂੰ ਪ੍ਰਭਾਵਤ ਕਰਦੀ ਹੈ।