ਨਿਊਯਾਰਕ ਦੇ ਦੋ ਵੱਡੇ ਹਸਪਤਾਲਾਂ ਦੀਆਂ ਤਕਰੀਬਨ 7,000 ਨਰਸਾਂ ਹੜਤਾਲ ‘ਤੇ ਗਈਆਂ
ਨਿਊਯਾਰਕ: ਅਮਰੀਕਾ ਦੇ ਨਿਊਯਾਰਕ ਸ਼ਹਿਰ ਦੇ ਦੋ ਸਭ ਤੋਂ ਵੱਡੇ ਹਸਪਤਾਲਾਂ ਦੀਆਂ ਤਕਰੀਬਨ 7,000 ਨਰਸਾਂ ਨੇ ਤਨਖਾਹ ਅਤੇ ਸਟਾਫ਼ ਦੀ ਗਿਣਤੀ ਵਧਾਉਣ ਦੀ ਮੰਗ ਨੂੰ ਲੈ ਕੇ ਸੋਮਵਾਰ ਨੂੰ ਹੜਤਾਲ ਕਰ ਦਿੱਤੀ। ਇਸ ਤੋਂ ਪਹਿਲਾਂ ਸਬੰਧਤ ਹਸਪਤਾਲ ਪ੍ਰਸ਼ਾਸਨਾਂ ਨਾਲ ਉਨ੍ਹਾਂ ਦੀ ਗੱਲਬਾਤ ਅਸਫ਼ਲ ਰਹੀ ਸੀ। ਬ੍ਰੌਂਕਸ ਦੇ ਮੋਂਟੇਫਿਓਰ ਮੈਡੀਕਲ ਸੈਂਟਰ ਦੀਆਂ 3,500 ਨਰਸਾਂ ਅਤੇ ਮੈਨਹਟਨ ਦੇ ਮਾਊਂਟ ਸਿਨਾਈ ਹਸਪਤਾਲ ਦੀਆਂ ਲਗਭਗ 3,600 ਨਰਸਾਂ ਹੜਤਾਲ ‘ਤੇ ਗਈਆਂ ਹਨ। ਇਸ ਹੜਤਾਲ ਨਾਲ ਮਰੀਜ਼ਾਂ ਦੇ ਪ੍ਰਭਾਵਿਤ ਹੋਣ ਦਾ ਖਦਸ਼ਾ ਹੈ।
