ਸੀਰੀਆ ‘ਚ ਇਮਾਰਤ ਢਹਿ-ਢੇਰੀ, ਬੱਚੇ ਸਮੇਤ 10 ਲੋਕਾਂ ਦੀ ਮੌਤ

ਬੇਰੂਤ : ਸੀਰੀਆ ਦੇ ਉੱਤਰੀ ਸ਼ਹਿਰ ਅਲੇਪੋ ਵਿੱਚ ਐਤਵਾਰ ਤੜਕੇ ਇੱਕ ਪੰਜ ਮੰਜ਼ਿਲਾ ਇਮਾਰਤ ਦੇ ਢਹਿ ਜਾਣ ਕਾਰਨ ਇੱਕ ਬੱਚੇ ਸਮੇਤ ਘੱਟੋ-ਘੱਟ 10 ਲੋਕਾਂ ਦੀ ਮੌਤ ਹੋ ਗਈ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਹ ਘਟਨਾ ਸ਼ੇਖ ਮਕਸੂਦ ਇਲਾਕੇ ‘ਚ ਵਾਪਰੀ, ਜਿਸ ‘ਚ ਅਮਰੀਕੀ ਸਮਰਥਿਤ ਕੁਰਦਿਸ਼ ਦੀ ਅਗਵਾਈ ਵਾਲੀ ਸੀਰੀਅਨ ਡੈਮੋਕ੍ਰੇਟਿਕ ਫੋਰਸਿਜ਼ ਦਾ ਕੰਟਰੋਲ ਹੈ। ਹਾਦਸੇ ਦੇ ਸਮੇਂ ਇਮਾਰਤ ਵਿੱਚ 30 ਲੋਕ ਮੌਜੂਦ ਸਨ।

ਹਾਲਾਂਕਿ ਰਾਸ਼ਟਰਪਤੀ ਬਸ਼ਰ ਅਸਦ ਦੀ ਅਗਵਾਈ ਵਾਲੀ ਸੀਰੀਆ ਦੀ ਸਰਕਾਰ ਨੇ ਹਥਿਆਰਬੰਦ ਵਿਰੋਧੀ ਸਮੂਹਾਂ ਤੋਂ ਅਲੇਪੋ ਸ਼ਹਿਰ ਦਾ ਕੰਟਰੋਲ ਵਾਪਸ ਲੈ ਲਿਆ ਹੈ। ਸ਼ੇਖ ਮਕਸੂਦ ਕੁਰਦਿਸ਼ ਬਲਾਂ ਦੇ ਨਿਯੰਤਰਣ ਅਧੀਨ ਕੁਝ ਖੇਤਰਾਂ ਵਿੱਚੋਂ ਇੱਕ ਹੈ। ਅਲੇਪੋ ਸੀਰੀਆ ਦਾ ਸਭ ਤੋਂ ਵੱਡਾ ਸ਼ਹਿਰ ਹੈ ਅਤੇ ਕਦੇ ਸੀਰੀਆ ਦਾ ਵਪਾਰਕ ਕੇਂਦਰ ਸੀ।