ਲਾਰੈਂਸ ਬਿਸ਼ਨੋਈ ਗੈਂਗ ਦੇ ਗੈਂਗਸਟਰ ਰਵੀ ਰਾਜਗੜ੍ਹ ਦਾ ਮਦਦਗਾਰ ਕਾਬੂ

ਲੁਧਿਆਣਾ : ਸੀ.ਆਈ.ਏ-2 ਦੀ ਪੁਲਸ ਪਾਰਟੀ ਨੂੰ ਵੱਡੀ ਸਫਲਤਾ ਹੱਥ ਲੱਗੀ ਹੈ। ਲਾਰੈਂਸ ਬਿਸ਼ਨੋਈ ਗੈਂਗ ਦੇ ਗੈਂਗਸਟਰ ਰਵੀ ਰਾਜਗੜ੍ਹ ਨੂੰ ਆਪਣੇ ਘਰ ਵਿਚ ਪਨਾਹ ਦੇਣ ਵਾਲਾ ਅਤੇ ਉਸ ਦੀ ਮਦਦ ਕਰਨ ਵਾਲੇ ਨੌਜਵਾਨ ਨੂੰ ਕਾਬੂ ਕੀਤਾ ਹੈ। ਮੁਲਜ਼ਮ ਸਰਾਭਾ ਨਗਰ ਦੇ ਏਰੀਆ ਪਿੰਡ ਝੱਮਟ ਦਾ ਰਹਿਣ ਵਾਲਾ ਹਰਸ਼ਵੀਰ ਸਿੰਘ ਉਰਫ ਹਰਸ਼ ਹੈ ਜੋ ਅਜੇ ਘੁਮਾਰ ਮੰਡੀ ਸਥਿਤ ਕਾਲਜ ਦੇ ਅੰਦਰ ਬੀ.ਏ. ਦੀ ਪੜ੍ਹਾਈ ਕਰ ਰਿਹਾ ਹੈ। ਉਸ ਦਾ ਪੁਲਸ ਰਿਮਾਂਡ ਹਾਸਲ ਕਰਕੇ ਪੁਲਸ ਉਸ ਤੋਂ ਪੁੱਛਗਿਛ ਕਰ ਰਹੀ ਹੈ।

ਇਸ ’ਤੇ ਪੁਲਸ ਨੇ ਛਾਪੇਮਾਰੀ ਕਰਕੇ ਮੁਲਜ਼ਮ ਹਰਸ਼ ਨੂੰ ਕਾਬੂ ਕਰ ਲਿਆ। ਉਸ ਤੋਂ ਹੋਈ ਮੁੱਢਲੀ ਪੁੱਛਗਿੱਛ ਵਿਚ ਸਾਹਮਣੇ ਆਇਆ ਕਿ ਉਹ ਲਾਰੈਂਸ ਗੈਂਗ ਦੇ ਗੈਂਗਸਟਰ ਰਵੀ ਰਾਜਗੜ੍ਹ ਦੇ ਸੰਪਰਕ ਵਿਚ ਸੀ। ਇਕ ਮਹੀਨੇ ਪਹਿਲਾਂ ਰਵੀ ਆਪਣੀ ਸਾਥੀ ਮਹਿਲਾ ਦੇ ਨਾਲ ਉਸ ਦੇ ਘਰ ਰਹਿਣ ਲਈ ਆਇਆ ਹੋਇਆ ਸੀ। ਉਸ ਨੇ ਉਸ ਦੀ ਹਰ ਸੰਭਵ ਮਦਦ ਕੀਤੀ ਸੀ। ਉਹ ਉਸ ਨੂੰ ਆਮ ਕਰਕੇ ਘਰ ਵਿਚ ਠਹਿਰਾਉਂਦਾ ਰਹਿੰਦਾ ਸੀ। ਪੁਲਸ ਦਾ ਕਹਿਣਾ ਹੈ ਕਿ ਮੁਲਜ਼ਮ ਤੋਂ ਪੁੱਛਗਿਛ ਕਰਕੇ ਪਤਾ ਲਗਾਇਆ ਜਾ ਰਿਹਾ ਹੈ ਕਿ ਰਵੀ ਦੇ ਨਾਲ ਆਈ ਔਰਤ ਕੌਣ ਸੀ ਅਤੇ ਹੁਣ ਉਹ ਲੋਕ ਕਿੱਥੇ ਹਨ।