ਭਾਖੜਾ ਨਹਿਰ ’ਚ ਡੁੱਬਣ ਨਾਲ ਨੌਜਵਾਨ ਦੀ ਮੌਤ

ਨੰਗਲ: ਜਵਾਹਰ ਮਾਰਕੀਟ ਕੋਲ ਨੰਗਲ ਭਾਖੜਾ ਨਹਿਰ ਕੰਢੇ ਕੱਪੜੇ ਧੋਣ ਵਾਲੇ 17 ਸਾਲ ਦੇ ਨੌਜਵਾਨ ਦੀ ਡੁੱਬਣ ਕਾਰਨ ਮੌਤ ਹੋ ਗਈ ਹੈ। ਜ਼ਿਕਰਯੋਗ ਹੈ ਕਿ 10 ਫਰਵਰੀ ਨੂੰ ਜੋ ਗੱਡੀ ਬੀ. ਬੀ. ਐੱਮ. ਬੀ. ਨੰਗਲ ਹਾਈਡਲ ਚੈਨਲ ਨਹਿਰ ’ਚ ਡਿੱਗੀ ਸੀ ਅਤੇ ਪਰਿਵਾਰ ਦੇ ਤਿੰਨ ਜੀਆਂ ਦੀ ਮੌਤ ਹੋ ਗਈ ਸੀ, ਇਹ ਹਾਦਸਾ ਉਸ ਤੋਂ ਮਹਿਜ 500 ਮੀਟਰ ਪਿੱਛੇ ਹੀ ਉਕਤ ਨਹਿਰ ’ਚ ਹੀ ਵਾਪਰਿਆ।

ਮੁਹੰਮਦ ਆਜ਼ਾਦ ਵੱਲੋਂ ਭਤੀਜੇ ਨੂੰ ਡੁੱਬਦਾ ਵੇਖ, ਬਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਗਈ ਪਰ ਉਹ ਅਸਫ਼ਲ ਰਿਹਾ। ਮੁਹੰਮਦ ਨੇ ਦੱਸਿਆ ਕਿ ਉਹ ਮੁਰਾਦਾਬਾਦ ਜ਼ਿਲ੍ਹਾ ਸੰਬਲ ਦੇ ਰਹਿਣ ਵਾਲੇ ਹਨ। ਡੁੱਬਣ ਵਾਲੇ ਦਾਨਿਸ਼ ਦੀ ਉਮਰ 17 ਸਾਲ ਹੈ ਅਤੇ ਉਹ ਇਕ ਮਹੀਨਾ ਪਹਿਲਾਂ ਹੀ ਉਸ ਦੇ ਨਾਲ ਕੰਮ ’ਤੇ ਲੱਗਿਆ ਸੀ। ਘਟਨਾ ਦੀ ਸਾਰੀ ਜਾਣਕਾਰੀ ਨੰਗਲ ਪੁਲਸ ਨੂੰ ਅਤੇ ਦਾਨਿਸ਼ ਦੇ ਮਾਤਾ-ਪਿਤਾ ਨੂੰ ਦਿੱਤੀ ਜਾ ਚੁੱਕੀ ਹੈ। ਨੰਗਲ ਥਾਣਾ ਮੁਖੀ ਦਾਨਿਸ਼ਵੀਰ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਘਟਨਾ ਦੀ ਜਾਣਕਾਰੀ ਮਿੱਲੀ ਸੀ। ਡੁੱਬਣ ਵਾਲੇ ਨੌਜਵਾਨ ਨੂੰ ਲੱਭਣ ਲਈ ਸਰਚ ਅਭਿਆਨ ਚਲਾਇਆ ਜਾਵੇਗਾ।