ਹਿਮਾਚਲ ‘ਚ ਐਂਟਰੀ ਹੋਵੇਗੀ ਮਹਿੰਗੀ, ਘੁੰਮਣ ਜਾਣ ਤੋਂ ਪਹਿਲਾਂ ਜ਼ਰੂਰ ਪੜ੍ਹ ਲਓ ਇਹ ਖ਼ਬਰ
ਸ਼ਿਮਲਾ- ਹਿਮਾਚਲ ਪ੍ਰਦੇਸ਼ ਘੁੰਮਣ ਜਾਣ ਵਾਲੇ ਸੈਲਾਨੀਆਂ ਲਈ ਥੋੜ੍ਹੀ ਝਟਕੇ ਵਾਲੀ ਖ਼ਬਰ ਹੈ। ਹੁਣ ਹਿਮਾਚਲ ਪ੍ਰਦੇਸ਼ ਦੀਆਂ ਵਾਦੀਆਂ ‘ਚ ਜਾਣਾ ਸੈਲਾਨੀਆਂ ਨੂੰ ਮਹਿੰਗਾ ਪਵੇਗਾ। ਦਰਅਸਲ ਹਿਮਾਚਲ ਵਿਚ ਹੋਰ ਸੂਬਿਆਂ ਦੇ ਵਾਹਨਾਂ ਦੀ ਐਂਟਰੀ ਫ਼ੀਸ 10 ਤੋਂ 50 ਰੁਪਏ ਤੱਕ ਵਧਾ ਦਿੱਤੀ ਗਈ ਹੈ। ਸੂਬਾ ਸਰਕਾਰ ਨੇ ਵਿੱਤੀ ਸਾਲ 2023-24 ਲਈ ਟੋਲ ਬੈਰੀਅਰ ‘ਤੇ ਲਈ ਜਾਣ ਵਾਲੀ ਐਂਟਰੀ ਫ਼ੀਸ ਵਧਾ ਦਿੱਤੀ ਹੈ।
ਦਰਅਸਲ ਸੂਬਾ ਸਰਕਾਰ ਨੇ ਟੈਕਸ ਅਤੇ ਆਬਕਾਰੀ ਵਿਭਾਗ ਨੂੰ ਆਗਾਮੀ ਵਿੱਤੀ ਸਾਲ ਲਈ ਟੋਲ ਬੈਰੀਅਰ ਦੀ ਆਮਦਨ ‘ਚ 20 ਫ਼ੀਸਦੀ ਦੇ ਵਾਧੇ ਦਾ ਟੀਚਾ ਰੱਖਿਆ ਹੈ। ਪਹਿਲਾਂ ਹਿਮਾਚਲ ਵਿਚ ਸਾਰੇ ਟੋਲ ਬੈਰੀਅਰ ਤੋਂ 100 ਕਰੋੜ ਰੁਪਏ ਦੀ ਆਮਦਨ ਹੁੰਦੀ ਰਹੀ ਹੈ। ਇਸ ਵਾਰ 120 ਕਰੋੜ ਇਕੱਠੇ ਕਰਨ ਦਾ ਟੀਚਾ ਰੱਖਿਆ ਗਿਆ ਹੈ। ਕੈਬਨਿਟ ਵਲੋਂ ਮਨਜ਼ੂਰੀ ਤੋਂ ਬਾਅਦ ਇਸ ਦੀ ਨੋਟੀਫ਼ਿਕੇਸ਼ਨ ਜਾਰੀ ਕੀਤੀ ਗਈ ਹੈ।
