ਲੀਬੀਆ ‘ਚ 2.5 ਟਨ ਕੁਦਰਤੀ ਯੂਰੇਨੀਅਮ ਗਾਇਬ, ਮਾਹਿਰਾਂ ਦੀ ਚਿੰਤਾ ਵਧੀ
ਦੁਬਈ : ਸੰਯੁਕਤ ਰਾਸ਼ਟਰ ਪਰਮਾਣੂ ਨਿਗਰਾਨ ਸੰਸਥਾ ਨੇ ਵੀਰਵਾਰ ਨੂੰ ਕਿਹਾ ਕਿ ਯੁੱਧ ਪ੍ਰਭਾਵਿਤ ਲੀਬੀਆ ਵਿਚ ਸਟੋਰੇਜ ਸਹੂਲਤ ਵਿਚ ਰੱਖਿਆ ਲਗਭਗ 2.5 ਟਨ ਕੁਦਰਤੀ ਯੂਰੇਨੀਅਮ ਗਾਇਬ ਹੋ ਗਿਆ ਹੈ। ਕੁਦਰਤੀ ਯੂਰੇਨੀਅਮ ਦੀ ਵਰਤੋਂ ਊਰਜਾ ਪੈਦਾ ਕਰਨ ਜਾਂ ਹਥਿਆਰ ਬਣਾਉਣ ਲਈ ਨਹੀਂ ਕੀਤੀ ਜਾ ਸਕਦੀ ਅਤੇ ਇਸ ਲਈ ਯੂਰੇਨੀਅਮ ਨੂੰ ਸੰਸ਼ੋਧਨ ਪ੍ਰਕਿਰਿਆ ਵਿੱਚੋਂ ਲੰਘਣਾ ਪੈਂਦਾ ਹੈ। ਮਾਹਿਰਾਂ ਅਨੁਸਾਰ ਜੇਕਰ ਤਕਨੀਕੀ ਸਾਧਨ ਅਤੇ ਸਰੋਤ ਉਪਲਬਧ ਹੋਣ ਤਾਂ ਇੱਕ ਟਨ ਕੁਦਰਤੀ ਯੂਰੇਨੀਅਮ ਨੂੰ 5.6 ਕਿਲੋਗ੍ਰਾਮ ਤੱਕ ਸ਼ੁੱਧ ਕੀਤਾ ਜਾ ਸਕਦਾ ਹੈ ਅਤੇ ਹਥਿਆਰ ਬਣਾਉਣ ਲਈ ਵਰਤਿਆ ਜਾ ਸਕਦਾ ਹੈ। ਇਸ ਦੇ ਮੱਦੇਨਜ਼ਰ, ਲੁਪਤ ਧਾਤ ਦੀ ਮਹੱਤਤਾ ਵਧ ਜਾਂਦੀ ਹੈ।
ਵਿਆਨਾ ਸਥਿਤ ਅੰਤਰਰਾਸ਼ਟਰੀ ਪਰਮਾਣੂ ਊਰਜਾ ਏਜੰਸੀ (ਆਈਏਈਏ) ਨੇ ਕਿਹਾ ਕਿ ਉਸ ਦੇ ਡਾਇਰੈਕਟਰ-ਜਨਰਲ ਰਾਫੇਲ ਮਾਰੀਆਨੋ ਗ੍ਰੋਸੀ ਨੇ ਬੁੱਧਵਾਰ ਨੂੰ ਮੈਂਬਰ ਦੇਸ਼ਾਂ ਨੂੰ ਲਾਪਤਾ ਯੂਰੇਨੀਅਮ ਬਾਰੇ ਸੂਚਿਤ ਕੀਤਾ। ਆਈਏਈਏ ਦੇ ਬਿਆਨ ਵਿੱਚ ਇਸ ਸਬੰਧ ਵਿੱਚ ਕੋਈ ਖਾਸ ਜਾਣਕਾਰੀ ਨਹੀਂ ਦਿੱਤੀ ਗਈ। ਆਈਏਈਏ ਨੇ ਕਿਹਾ ਕਿ ਉਸ ਦੇ ਇੰਸਪੈਕਟਰ ਮੰਗਲਵਾਰ ਨੂੰ ਇਸ ਬਾਰੇ ਜਾਣਕਾਰੀ ਮਿਲੀ। ਇੰਸਪੈਕਟਰਾਂ ਨੇ ਪਾਇਕ ਕਿ 10 ਅਜਿਹੇ ਡਰੰਮ ਗਾਇਬ ਸਨ, ਜਿਨ੍ਹਾਂ ਵਿੱਚ 2.5 ਟਨ ਕੁਦਰਤੀ ਯੂਰੇਨੀਅਮ ਰੱਖਿਆ ਗਿਆ ਸੀ।
