‘ਇਹ ਜਹਾਜ਼ ਡਿੱਗ ਜਾਵੇਗਾ’, ਟਵੀਟ ਕਰਨ ਵਾਲੇ ਵਿਦਿਆਰਥੀ ਨੂੰ ਮੁੰਬਈ ਪੁਲਸ ਨੇ ਕੀਤਾ ਗ੍ਰਿਫ਼ਤਾਰ
ਮੁੰਬਈ: ਮੁੰਬਈ ਪੁਲਸ ਨੇ ਗੁਜਰਾਤ ਤੋਂ 12ਵੀਂ ਜਮਾਤ ਦੇ ਇਕ ਵਿਦਿਆਰਥੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਉਸ ਨੇ ਟਵੀਟ ਕਰ ਕੇ ਦਾਅਵਾ ਕੀਤਾ ਸੀ ਹਵਾਬਾਜ਼ੀ ਕੰਪਨੀ ‘ਅਕਾਸਾ ਏਅਰ’ ਦਾ ਜਹਾਜ਼ ਡਿੱਗ ਜਾਵੇਗਾ। ਇਕ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿੱਤੀ। ਟਵੀਟ ਤੋਂ ਬਾਅਦ, ਨਿੱਜੀ ਕੰਪਨੀ ਨੇ ਮੁੰਬਈ ‘ਚ ਹਵਾਈ ਅੱਡਾ ਥਾਣੇ ‘ਚ ਸ਼ਿਕਾਇਤ ਦਰਜ ਕਰਵਾਈ ਸੀ, ਜਿਸ ਤੋਂ ਬਾਅਦ ਭਾਰਤੀ ਦੰਡਾਵਲੀ ਦੀਆਂ ਵੱਖ-ਵੱਖ ਧਾਰਾਵਾਂ ਦੇ ਅਧੀਨ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਐੱਫ.ਆਈ.ਆਰ. ਦਰਜ ਕੀਤੀ ਗਈ ਸੀ। 18 ਸਾਲਾ ਵਿਦਿਆਰਥੀ ਨੇ ਟਵੀਟ ਕੀਤਾ ਸੀ,”ਅਕਾਸਾ ਏਅਰ ਬੋਇੰਗ 737 ਮੈਕਸ (ਜਹਾਜ਼) ਡਿੱਗ ਜਾਵੇਗਾ।”
