ਪਰਨੀਤ ਕੌਰ ਨੇ ਭਾਜਪਾ ‘ਚ ਜਾਣ ਦਾ ਬਣਾਇਆ ਮੂਡ

ਹਾਲਾਂਕਿ ਕਾਂਗਰਸ ਵੱਲੋਂ ਪਹਿਲਾਂ ਨੋਟਿਸ ਜਾਰੀ ਕਰਨ ਤੋਂ ਇਲਾਵਾ ਪਰਨੀਤ ਕੌਰ ਨੇ ਨਾ ਤਾਂ ਕਾਂਗਰਸ ‘ਚੋਂ ਅਸਤੀਫ਼ਾ ਦਿੱਤਾ ਅਤੇ ਨਾ ਹੀ ਕੋਈ ਦੂਜੀ ਪਾਰਟੀ ‘ਚ ਸ਼ਾਮਲ ਹੋਣ ਦਾ ਫ਼ੈਸਲਾ ਲਿਆ। ਹੁਣ ਲੋਕ ਸਭਾ ਚੋਣਾਂ ‘ਚ ਕਾਫ਼ੀ ਸਮਾਂ ਬਾਕੀ ਰਹਿਣ ‘ਤੇ ਪਰਨੀਤ ਕੌਰ ਨੇ ਖੁੱਲ੍ਹ ਕੇ ਆਪਣੇ ਪਰਿਵਾਰ ਨਾਲ ਭਾਜਪਾ ‘ਚ ਸ਼ਾਮਲ ਹੋਣ ਦਾ ਮੂਡ ਬਣਾ ਲਿਆ ਹੈ।

ਜਦੋਂ ਜੇ. ਪੀ. ਨੱਢਾ ਉਨ੍ਹਾਂ ਦੇ ਘਰ ਪੁੱਜੇ ਤਾਂ ਪਰਨੀਤ ਕੌਰ ਨੇ ਖੁੱਲ੍ਹੇਆਮ ਪਰਿਵਾਰਕ ਮੈਂਬਰਾਂ ਦੇ ਸਾਹਮਣੇ ਨੱਢਾ ਦਾ ਸੁਆਗਤ ਕੀਤਾ ਅਤੇ ਪੂਰਾ ਸਮਾਂ ਮੀਟਿੰਗ ‘ਚ ਮੌਜੂਦ ਰਹੇ। ਇਸ ਦੀ ਤਸਵੀਰ ਕੈਪਟਨ ਦੇ ਪਰਿਵਾਰ ਦੇ ਮੈਂਬਰਾਂ ਤੋਂ ਇਲਾਵਾ ਭਾਜਪਾ ਆਗੂਆਂ ਵੱਲੋਂ ਸੋਸ਼ਲ ਮੀਡੀਆ ‘ਤੇ ਸਾਂਝੀ ਕੀਤੀ ਗਈ ਹੈ। ਇਸ ਤੋਂ ਬਾਅਦ ਇਹ ਚਰਚਾ ਸ਼ੁਰੂ ਹੋ ਗਈ ਹੈ ਕਿ ਪਰਨੀਤ ਕੌਰ ਆਉਣ ਵਾਲੇ ਦਿਨਾਂ ‘ਚ ਕਿਸੇ ਵੀ ਸਮੇਂ ਭਾਜਪਾ ‘ਚ ਸ਼ਾਮਲ ਹੋ ਸਕਦੇ ਹਨ।