ਛੱਤੀਸਗੜ੍ਹ ਵਿੱਚ ਵੱਡਾ ਨਕਸਲੀ ਹਮਲਾ ਜਵਾਨਾਂ ਨਾਲ ਭਰੀ ਗੱਡੀ ਉਡਾਈ-9 ਸ਼ਹੀਦ

ਬੀਜਾਪੁਰ, 6 ਜਨਵਰੀ (ਯੂ. ਐਨ. ਆਈ.)-ਛੱਤੀਸਗੜ੍ਹ ਦੇ ਨਕਸਲ ਪ੍ਰਭਾਵਿਤ ਜ਼ਿਲ੍ਹੇ ਬੀਜਾਪੁਰ ਤੋਂ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਦੱਸ ਦੇਈਏ ਕਿ ਆਈਈਡੀ ਧਮਾਕੇ ਵਿੱਚ 9 ਜਵਾਨਾਂ ਦੇ ਸ਼ਹੀਦ ਹੋਣ ਦੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਜਦਕਿ ਦੋ ਜਵਾਨ ਗੰਭੀਰ ਰੂਪ ਨਾਲ ਜ਼ਖਮੀ ਹਨ, ਮਿਲੀ ਜਾਣਕਾਰੀ ਅਨੁਸਾਰ ਨਕਸਲੀਆਂ ਨੇ ਜਵਾਨਾਂ ਨਾਲ ਭਰੀ ਗੱਡੀ ਨੂੰ ਉਡਾ ਦਿੱਤਾ ਹੈ। ਘਟਨਾ ਕੁਤਰੂ ਇਲਾਕੇ ਦੇ ਬੇਡੇਰਾ ਦੀ ਦੱਸੀ ਜਾ ਰਹੀ ਹੈ, ਦੱਸਿਆ ਜਾ ਰਿਹਾ ਹੈ ਕਿ ਜਵਾਨ ਨਰਾਇਣਪੁਰ ਮੁਕਾਬਲੇ ਤੋਂ ਵਾਪਸ ਆ ਰਹੇ ਸਨ, ਡੀਆਰਜੀ ਦੇ ਜਵਾਨ ਸਕਾਰਪੀਓ ਗੱਡੀ ਵਿੱਚ ਸਵਾਰ ਸਨ। ਨਾਰਾਇਣਪੁਰ/ਬੀਜਾਪੁਰ ਦੀ ਸਾਂਝੀ ਆਪਰੇਸ਼ਨ ਪਾਰਟੀ ਆਪਰੇਸ਼ਨ ਤੋਂ ਬਾਅਦ ਵਾਪਸ ਪਰਤ ਰਹੀ ਸੀ। 06.01.2025 ਨੂੰ, ਤਕਰੀਬਨ 14:15 ਵਜੇ, ਬੀਜਾਪੁਰ ਜ਼ਿਲੇ ਦੇ ਕੁਤਰੂ ਥਾਣਾ ਖੇਤਰ ਦੇ ਅਧੀਨ ਪਿੰਡ ਅੰਬੇਲੀ ਦੇ ਨੇੜੇ ਇੱਕ ਸੁਰੱਖਿਆ ਬਲ ਦੀ ਗੱਡੀ ਨੂੰ ਮਾਓਵਾਦੀਆਂ ਦੁਆਰਾ ਇੱਕ ਆਈਈਡੀ ਧਮਾਕੇ ਨਾਲ ਉਡਾ ਦਿੱਤਾ ਗਿਆ, ਜਿਸ ਵਿੱਚ ਦੰਤੇਵਾੜਾ ਡੀਆਰਜੀ ਦੇ 08 ਜਵਾਨ ਅਤੇ ਇੱਕ ਡਰਾਈਵਰ ਕੁੱਲ 09. ਦੇ ਸ਼ਹੀਦ ਹੋਣ ਦੀ ਸੂਚਨਾ ਹੈ। ਬੀਜਾਪੁਰ ’ਚ ਨਕਸਲੀ ਹਮਲੇ ਨੂੰ ਲੈ ਕੇ ਸੀਐਮ ਵਿਸ਼ਨੂੰ ਦੇਵ ਸਾਈਂ ਦਾ ਵੱਡਾ ਬਿਆਨ ਸਾਹਮਣੇ ਆਇਆ ਹੈ, ਉਨ੍ਹਾਂ ਕਿਹਾ ਕਿ ਕੇਂਦਰੀ ਗ੍ਰਹਿ ਮੰਤਰੀ ਨੇ 26 ਤੱਕ ਨਕਸਲਵਾਦ ਨੂੰ ਖਤਮ ਕਰਨ ਦਾ ਵਾਅਦਾ ਕੀਤਾ ਹੈ, ਇਸ ਨਾਲ ਜਵਾਨਾਂ ਦਾ ਉਤਸ਼ਾਹ ਵਧ ਗਿਆ ਹੈ।  ਮਾਮਲੇ ਦੀ ਨਿਗਰਾਨੀ ਆਈਜੀ ਬਸਤਰ ਕਰ ਰਹੇ ਹਨ, ਆਈਜੀ ਪੁਲਿਸ ਤਾਲਮੇਲ ਦੇ ਵਾਰ ਰੂਮ ਵਿੱਚ ਮੌਜੂਦ ਹਨ। ਨਕਸਲ ਆਪਰੇਸ਼ਨ ਦੇ ਏਡੀਜੀ ਵਿਵੇਕਾਨੰਦ ਸਿਨਹਾ ਨੇ ਜ਼ੀ ਮੀਡੀਆ ਨਾਲ ਟੈਲੀਫੋਨ ’ਤੇ ਗੱਲਬਾਤ ਦੌਰਾਨ ਇਸ ਦੀ ਪੁਸ਼ਟੀ ਕੀਤੀ ਹੈ ਕਿ ਆਈਈਡੀ ਧਮਾਕਾ ਉਸੇ ਸਮੇਂ ਹੋਇਆ ਜਦੋਂ ਜਵਾਨ ਵਾਪਸ ਆ ਰਹੇ ਸਨ। ਇਸ ਦੌਰਾਨ 9 ਜਵਾਨਾਂ ਦੇ ਸ਼ਹੀਦ ਹੋਣ ਦੀ ਖਬਰ ਸਾਹਮਣੇ ਆ ਰਹੀ ਹੈ, ਨਾਲ ਹੀ ਕਿਹਾ ਜਾ ਰਿਹਾ ਹੈ ਕਿ ਸਾਰੇ ਜਵਾਨ ਦਾਂਤੇਵਾੜਾ ਦੇ ਰਹਿਣ ਵਾਲੇ ਹਨ। ਇਹ ਘਟਨਾ ਬੀਜਾਪੁਰ ਜ਼ਿਲ੍ਹੇ ਦੇ ਕੁਟਰੂ-ਬੇਦਰੇ ਰੋਡ ’ਤੇ ਵਾਪਰੀ। ਸੁਰੱਖਿਆ ਬਲਾਂ ਦੇ ਜਵਾਨ ਅਬੂਝਮਾਦ ਇਲਾਕੇ ’ਚ ਸਾਂਝੀ ਮੁਹਿੰਮ ਚਲਾ ਕੇ ਆਪਣੇ ਕੈਂਪ ਵੱਲ ਪਰਤ ਰਹੇ ਸਨ। ਰਸਤੇ ਵਿੱਚ ਨਕਸਲੀ ਪਹਿਲਾਂ ਹੀ ਘੇਰਾ ਪਾ ਕੇ ਬੈਠੇ ਸਨ। ਜਿਵੇਂ ਹੀ ਜਵਾਨਾਂ ਦੀ ਵੈਨ ਕੁਟਰੂ ਥਾਣਾ ਖੇਤਰ ਦੇ ਅੰਬੇਲੀ ਪਿੰਡ ਨੇੜੇ ਪਹੁੰਚੀ ਤਾਂ ਨਕਸਲੀਆਂ ਨੇ ਆਈਈਡੀ ਨਾਲ ਧਮਾਕਾ ਕਰ ਕੇ ਵੈਨ ਨੂੰ ਉਡਾ ਦਿੱਤਾ। ਇਸ ਘਟਨਾ ਬਾਰੇ ਆਈਜੀ ਬਸਤਰ ਨੇ ਦੱਸਿਆ ਕਿ ਬੀਜਾਪੁਰ ਵਿੱਚ ਨਕਸਲੀਆਂ ਨੇ ਆਈਈਡੀ ਧਮਾਕੇ ਰਾਹੀਂ ਗੱਡੀ ਨੂੰ ਉਡਾਉਣ ਦੌਰਾਨ ਡਰਾਈਵਰ ਸਮੇਤ ਦਾਂਤੇਵਾੜਾ ਦੇ 9 ਡੀਆਰਜੀ ਜਵਾਨ ਸ਼ਹੀਦ ਹੋ ਗਏ। ਉਹ ਦਾਂਤੇਵਾੜਾ, ਨਰਾਇਣਪੁਰ ਅਤੇ ਬੀਜਾਪੁਰ ’ਚ ਸਾਂਝੇ ਆਪਰੇਸ਼ਨ ਤੋਂ ਵਾਪਸ ਆ ਰਹੇ ਸਨ। ਪੁਲਿਸ ਟੀਮ ਨੇ ਪੂਰੇ ਇਲਾਕੇ ਨੂੰ ਘੇਰ ਲਿਆ ਹੈ ਅਤੇ ਨਕਸਲੀਆਂ ਦੀ ਤਲਾਸ਼ ਤੇਜ਼ ਕਰ ਦਿੱਤੀ ਹੈ। ਨਕਸਲੀ ਹਮਲੇ ਬਾਰੇ ਛੱਤੀਸਗੜ੍ਹ ਵਿਧਾਨ ਸਭਾ ਦੇ ਸਪੀਕਰ ਰਮਨ ਸਿੰਘ ਨੇ ਕਿਹਾ ਕਿ ਜਦੋਂ ਵੀ ਨਕਸਲੀਆਂ ਵਿਰੁੱਧ ਕੋਈ ਵੱਡੀ ਮੁਹਿੰਮ ਚਲਾਈ ਜਾਂਦੀ ਹੈ ਤਾਂ ਉਹ ਅਜਿਹੀਆਂ ਕਾਇਰਤਾ ਵਾਲੀਆਂ ਹਰਕਤਾਂ ਕਰਦੇ ਰਹਿੰਦੇ ਹਨ। ਸੂਬਾ ਸਰਕਾਰ ਨਕਸਲਵਾਦ ਵਿਰੁੱਧ ਆਪਣੀ ਮੁਹਿੰਮ ਨੂੰ ਹੋਰ ਤੇਜ਼ ਕਰੇਗੀ। ਸਰਕਾਰ ਕਿਸੇ ਵੀ ਹਾਲਤ ਵਿੱਚ ਨਾ ਤਾਂ ਝੁਕੇਗੀ ਅਤੇ ਨਾ ਹੀ ਡਰੇਗੀ। ਨਕਸਲੀਆਂ ਖਿਲਾਫ ਸਖਤ ਕਾਰਵਾਈ ਕਰਦੇ ਰਹਿਣਗੇ।