ਇੱਕ ਰੁੱਖ ਦੀ ਮੌਤ ‘ਤੇ -ਮਾਸਟਰ ਸੰਜੀਵ ਧਰਮਾਣੀ
ਇੱਕ ਰੁੱਖ ਦੀ ਮੌਤ ‘ਤੇਬੜਾ ਦੁੱਖ ਹੋਇਆ ,
ਧਰਤੀ ਵੀ ਰੋਈ
ਤੇ ਦਿਲ ਮੇਰਾ ਰੋਇਆ।
ਪੰਛੀਆਂ ਨੇ ਰੈਣ – ਬਸੇਰਾ
ਤੇ ਪਤਾ ਨਹੀਂ
ਕਿਸ – ਕਿਸ ਨੇ ਕੀ – ਕੀ ਖੋਇਆ ?
ਇੱਕ ਰੁੱਖ ਦੀ ਮੌਤ ‘ਤੇ
ਬੜਾ ਦੁੱਖ ਹੋਇਆ।
ਆਰੀ – ਕੁਲਹਾੜੀ ਨਾਲ਼ ਕੱਟਿਆ ਜਦੋਂ
ਤਾਂ ਮਨ ਮੇਰਾ ਵੀ ਰੋਇਆ ,
ਇੱਕ ਰੁੱਖ ਦੀ ਮੌਤ ‘ਤੇ
ਬੜਾ ਦੁੱਖ ਹੋਇਆ।
ਦਿੰਦਾ ਸੀ ਠੰਢੀਆਂ ਛਾਵਾਂ
ਪਿਆਰ ਕਰਦਾ ਸੀ ਵਾਂਗ ਮਾਵਾਂ ,
ਪਤਾ ਨਹੀਂ ਅੱਜ ਇਨਸਾਨ ਨੂੰ
ਕੀ ਹੋਇਆ ,
ਹਾਏ ! ਕੀ ਹੋਇਆ ?
ਰੁੱਖਾਂ ਨੂੰ ਕੱਟਣ ਲਈ
ਇਨਸਾਨ ਤਰਲੋਮੱਛੀ ਹੋਇਆ ,
ਇੱਕ ਰੁੱਖ ਦੀ ਮੌਤ ‘ਤੇ
ਬੜਾ ਦੁੱਖ ਹੋਇਆ
ਹਾਏ ! ਬੜਾ ਦੁੱਖ ਹੋਇਆ।
ਮਾਸਟਰ ਸੰਜੀਵ ਧਰਮਾਣੀ
ਸ਼੍ਰੀ ਅਨੰਦਪੁਰ ਸਾਹਿਬ
9478561356
